ZEVÎNDARIN

ZEVÎNDARIN

Ji guldaran , gula bi çîn

Hin ji baxên , lalezaran 

Ji destên , pîroz av weşîn

Avde çotyar , gulên baxan

Min yarê dî , divê rê de

Erê bînahiya çavan

Ez û yar , bi hev re bijîn

Perwanin , li daristanan

Gul bînokê , jîn da evîn

Qertel birin , bi talanan.!?

Gerok , di gera jînê de

Zê çibkim ez , li zozanan

Ger yarê , ji min winda be

Ka ew gulên , ji dest yaran.!?

Ji destan , bikin diyarî

De bînin , pertewa canan

Bi ava jînê re avdin

Dem avakin , şaristanan

Bi hev re , em ne cûda bin

Geşkin vîna , dilê jaran.!?

Ez vîndarê , teme yarê

Ger çar wêrz li dibîstanan

Zê kengî wê , bi dest bînim

Dil rewane , bi dewranan

Bi hev re , pêkvejiyan kin

Ne wek şewlin , sîtemkaran

Jiyaneke , bi pêşdarî

Ne mîna hemû , dildaran.

Ejder Îso