Kêçê êmek hêçê?

Kêçê êmek hêçê?

Kêçê êmeg darê hêçê

Em tên sotin weka pêçê

Me xwe firot ketin rêçê

Li hev nekir li ser xêçê?

Welat berdan çûne derva

Mal û melal giyan serva

Kole nabin şah li derva

Ir ir dikin weka hirçê?

Binav dibin yek û didu

Têne kuştin weka hevdu

Îro çêtir law ji dihu

Serî weşand por û pirçê!

Xizmetek xweş bê hempa ye

Ber ba ketin mîna ka ye

Dijmin gûre got:kurd va ye

Nav qîlan de can diqirçê?!

Rêberên me yên dolara

Gel firotin wekî kara 

Em xapandin bi barbara 

Dev şirik da dimirç mirçê?!

16/09/2023-Serzorî

Wêne ji malpera mamoste Fewzî Bilge