Ez

Ez qurban

Ez vê helbestê, diyarî giyanê pakrewanên

zindana Ẍiwêran, li şarê Ḧesekê, dikim.

xwedad wan bi dilovaniya xwe şa bike,

û cihê wan buhişta rengîn bike.

saẍlemî ji birîndaran,

û hêz û serfirazî ji şervanan,

û sebr û saman ji bo dilê Dê û Bavan re.

Gerek em jibîr nekin.

Hewla tometê

Ha   ji   hewla  tometa  me

Lat   û   kevra   kir   hewar

Çiya  xwe  ji  ber  pişaftin

Azîman  xwe  anî  xwar

Mehewşê tarî b`xwe werda

Rijîn sitêr bê jimar

Rokê  ḧilolîk  werandin

Ser birînên pir qewar

Çem  û  kanî  tevde  mêtin

Zemîna  me   bû  beyar

Ẍar  ji   ser   şaẍa   weriftin

Çûk    ji    hêlîna   ferar

Keleşer   banda   mirinê

Hatine   Tûpişk   û   Mar

Çêlê   Mawiya   civîne

Seh   li  me   bûne   Keftar

Qajeqaja   Qirala   ye

Govenda   Kunda   li  dar

Ew   Qertelê   beratan e

Noşiyên   goştê   mirar

Lê   ji   tirsa    ne   revîne

Me    negeryaye   ji   war

Tirsa  me   j`hov  û   neyar

Xakê    li  xwe  bikin   par

Çeqel   û    Rovî    û  Gura

Li  me  girtin    çar   kenar

Ji   me re qerqer   hinartin

Ketin  gorê   ew w  neyar

Sîng  û  berê  Ḧeseka  me

Gulfiroş   û   zevîndar

Sed  û  bîst  û  yek  şehîdî

Her  dever   lê  kir  buhar

31/1/2022

Cindiyê Metînî

(Bavê Metîn)