Ez qurban

Ez qurban..

Roja sêşem, 13 meha rêzberê ji sala 2022 an, yasaîşên faşista Îranî, "Giştî Irşadî", û bi mehna, ku biskên xwe tevde, di bin çarçefê de, veneşartinin, keça Kurd, Jîn Mehsa Emînî, ya 22 salî, binçavkirin, û ji ber kîn û nefrîna wan, li ser gelê Kurd pir heye, dar di serê Jîn de lixistin, û ew birin qereqola xwe, û ji ber birîna wê pir ẍedar bû, û ew bi derengî, birin nexweşxanê, Jîn jiyana xwe ji destda, û gihiştî kerwanên pekrewan, li himber vê tewanbarî û tometê, jinên kurd û bi piştgirya mêran, li Rohilatî Kurdistan, di pir deveran de, dijî sîstema faşist ya Îranî, derketin cade û kolanan, û raperîn, û çarçefên xwe şewitandin.

Birano...

Ez hêvî dikim, ku raperîna gelê Kurd, li Rohilatî Kurdistan, dijî sîstema Melleyê Îranê, ji bo tolhilanîna xwîna Jîn Mehsa be, ne ji bo hilanîn û şewata çarçefan be.

Ez vê helbestê, xelatî giyanê Jîn Mehsa, û peroyî jinên raperîner, dikim..

Jîn Mehsa

Li  ber  bayê  keziyên  reş

Dibin  werbêja  serada

Divêtin  ji  te  azad  bin

Bi  koşîn  şer  û  firyada

Jinên  kurdî   diraperin

Ji  her  celeb  û  nijada

Li  rûbarî  neyarên  hov

Li  meydan  û li her qada

Tucarî  ji   te bernadin

Ku nebin ew ji azada

Biçêjin serfiraziyê

Bibin ew jî ji dilşada

E şoreşa  jinên  jîn  xwaz

Ji  rehên  Xorî  behzada

Le  şêra  ji wan  şîr  mêtî

Cegerdarî  ji  xwedada

Niqot kirin li we gerdûn

Bi  talan  û  bi  berbada

Bi  say  û dilreq û  hêzin

Ji zikmakî ji nîhada

Qiranê  tirs  û  sawîra

Çine   himberî  ferhada

Keça  sergevez  û  leheng

Xwe şûr  di nava we rada

Feraşînê  we  bûn  dûjeh

Werîn  buhişt  ji  binyada

We darên çand û kir Sêpî

Ji  bo  we  mane  bêdada

Erê  ev  jîn e  Mehsa  ye

Li  qirka  we  gulî  bada

Bi  wê  sota  birîna  xwe

Di  cergê  we  etûn  dada

51Rezber ê 2022

Cindiyê Metînî

(Bavê Metîn)