Çaxa pêjna te li min

Hiltê

Kêfa min dismala

Sermestiyê li xwe dike

Di bagera

Nîgaran de

Êvara çavên te

Bi bedewîya sitêrkan

Kil dikim

Di nêv rengê bihna

Destên te de

Destên xwe ji bîr dikim

Bi şewşena

Erdîgarîya canê te

Di bîra gunehan werdibim ........!!!

Dergehên

Qedexekirî veke

Ta ez karibim di taxa

Xeyalên te de

Birînên

Dildarîya xwe bidrûm

Û demên ku di dilê

Salan de

Hatine sêdar kirin

Ji nûve vejînin

Pirsên şermok

Yên ku li ser lêvên şevê

Dilerizîn

Ji bin perdên xayizbûnê

Derînim

Hêsirên ku li ser ruyê

Sibehan digirîyan

Bi pistepista girnejînan bikenînim ...!!

((. Hozan Girkundê. )).

خيوط الشمس 🌅 Tîrêjên Rojê..