Kevoka ‎sipî

Kevoka sipî

Difirim    sipî      kevokek

Li    ser   balayê    welat ê

Li nav  zemînê  Hewlêr ê

Li    ser   Sîpan ê  Xelat ê

Veduxum   ji   Geliyî  Elî

Ji   çem ê   Zê   û  Ferat ê

Ez   diçêrim   li    Mûsil ê

Hêlîn       sina      Erarat ê

Bi   perîka  Feqê   Teyran

Nîgar   dikim   ez  necatê

Ser  kevirê Kelh û  Reh ê

Hîmê  Toros  tehet û latê

Ez ê   xişrê   bûk ê binim

Ji  Kermenşah  û Toqat ê

Şîrava      gulê   Qendîl ê

Xunavek   li  rû  werhatê

Sed     silavê     ji    ro ava

Xwîn  dermanê   bobelatê

Ez ê  perçak   ji dilê  xwe

Bi  şînim  gel  Mehabat ê

Ji  Ormiyê  hingiv  bînim

Diyariya      wê      civatê

Li  ser  kaş ê Mişte Nûr ê

Roja      ahenga       felatê

Li  nav  ewrên  li Şingal ê

Bibim   roka    nû    hilatê

Ji Homan ê hinek qizwan

Ji   wê   dara    nû   dikatê

Qurtek     ava   Waşokanî

Av   bidim  pê wê  xebatê

Ne  bi  navê  ne  ol û  mol

Rakim    jê   wê   kêferatê

Ro ava    bakur   û    başûr

ji      giyanê          rohilat ê

Bi yek rehê digerim  xwîn

Di    her   damar  û   libatê

Li  Botan ê  bibim   pişgir

Vemirîn  im   wê   şewatê

Bi   her  hestên  kurdanyê

Ne   bi  navê  tu   malbatê

Xaka  welat   hev   girtiye

Çima gel  ji   hev  berbatê

Ewan kend û pirên  şermê

Bişkînim   lê  wê   qapat ê

Bi   tovê  kînê   re  hilkim

Rehê     neyar   û    çînatê

Lê     biçînim    hezkirinê

Bi  kurte   dem  û   şapatê

2015

Cindiyê Metînî

(Bavê Metîn)