Em DifIrin

Em Difirin

Em carekî hatin dinê bê welat û bê dewlet

Herdem ser rêya mirinê, lêdan sirgûn û xûrbet 

Warê min tev bûye zîndan, bê qanûn bê edalet

Diçim welatên xerîban, bê qedir û bêqîmet

Ber destê xelkê pale ne bê hurmet û bêrûmet

Dikişînim bi salane ax û fîxan û hisret

Warkozên alemê  şên e, parek bihuşt û cinet

Sitara me tu lê tune, ev e rastî heqîqet

Gelo gunê kurda çîye, dinê da bûne sosret

Herkes tezî û birçî ye, ne xêr he ne bereket

Îmana me kamil bûye, em difirin bê minet

Li bihuştê hêvya meye, horî perî  milyaket

Mela û şêx dixapînin, difire hemû omet

Xewnê da cinet dibînin  dixwun kibab û zerfet 

Me daye dû wan gemara, benda me ye axiret

Nabînin tu rêxê vira, dijîn tev bi rezalet

Kurdo rabin dest bidin hev, ser wan rakin qîyamet 

Kap bavêjin histyê vana, bila tev bibin robet

Şer bikin hember wan fikra, holê rabe xiyanet

Heger guh bidin van zikra, Kurdistan nabe dewlet

               

                       Ayhan Demir/ 10.10.2023

                                               #TevnaEvine