pêta evînê

Pêta evînê

Pêta êşa vê evînê

Agir bidilê min danî

Peristgeha kovanên min

Hêsiran pirsî tu kanî

Ho ho 

Kedera min ka tu kanî

Gulyê derdê te dihûnim

Ji birînên te bixwînim

Hêviyên bê ser û şûnim

Mizgîn ji te kesî nanî

Ho ho 

Kedera min ka tu kanî

Evína te jiyana min

Werzebaya ber bihna min

Navê te ye mizgîna min

Soza ji bo min dermanî

Ho ho 

Kedera min ka tu kanî

Keçika çavreş û bedew

Zelal û rinda mine ew

Bitenê wê dixwazim hew

Bibe heyva min li banî

Ho ho 

Kedera min ka tu kanî

Dilbera min hêviya dil

Buhara min neke kavil

Mixabina jîn bibe kul

Can bidesta min şêranî

Ho ho 

Kedera min ka tu kanî

Canê were vir de hela

Bese agir berde dila

Çipka xwinava ser gula

Çawa tî bim tuwî kanî

Ho ho 

Kedera min ka tu kanî

Pêşeroj Cewherî

24 - 10 - 2023