ملامحي
☜ ملامحى
_________
متحكمش عليا من ملامحى
ملامحى اكبر من سنى
اللى عجزنى وغير شكلى
الحمل كبير وشايله لوحدى
كنت فاكر الدنيا وردى
احب واتحب ومع الحبيب اغنى
لقيت العذاب ع الباب مستنى
بواصل العمل نهار و ليل
من التعب مش شايف ولادى وهما جنبي
واللى مزعلنى ولادى زعلانين منى
لانى مش ملبى اللى انطلب منى
عرفت ايه اللى زعلنى وغير ملامحى
كل جيلى محنى هيكل عظم ولحم مهرى
لما الشباب تشيب وضهره محنى
يبقى منه العيب وللا الحمل اتقل منه
اجوز ع الاربعين وبيقول اجوز بدرى
وعيشته كلها دين يقفل باب يتفتح اتنين
وكله اتغير ملامحه والكل عجز بدرى
من ديونى ومسؤليتى ومن ضيقتى
نسيت ملامحى وملامح زوجتى
كنت مفكر الحياه وردى
احترت واحتارت الحيل ف حيرتى
تعليقات
إرسال تعليق