Pîre darek

Pîre darek

Min  bikin  geştiyek

Ji  bo  hûn

Li  ser  panava  riwê  deryayan

Bê  saw  bigerin-

Û  bi  şaha  perîşaniya

Dîroka  min

Û  bi  pêlan  re  bistirên

Û  sema  bikin

Yan  min  bikin

Textekî   razanê

Ji  bo  hûn

Bi  yarên  evîna  xwe  re

Dema  we  dibin  sîka

Biskên  ciwaniya min de

Hevdîtin  dikir-

Xweş  xewnan

Bi  bînin

Yan  min  bikin  dergûşek

Ji  bo  hûn

Ji  mendalê  xwe re

Bi her  zarî

Surûda  bêjin û bilorînin

Ez ê  jî

Her  bi  we re

Bi  nihirînim  û  sema  bikim

Û  em ê  bi  hev re

Xilmaş  bibin….

Yan  min  bikin

Ardiwê  tenûrekê

Ez ê  bi  agirê-

Ji  ber  baweşîna

Baskên  qumriyekê

Gûr bû yî-

Ji  we re  bibim

Nan pêj

Min  bikin  êzingê etûna

Ji  bo xwîna  we  qerisî  nemîne

Û  diranê  we ji  rikrikandinê

Ji hev nexwe

Mîxan di laşê min de bikutin

Bejna min Ḧeta bi guliyan

Bidin ber xirrîna

Bê  mehweriya  birrekan

Lê  ez  ji  we  hêvî  dikim

Min  nekin  dalgehek Guneh kar

Naaaa

Min  nekin  dalgehek Guneh kar

Jînḧezan bi min ve darvenikin.

Wan nekujin

Cindiyê Metînî

(Bavê Metîn)