من سنين
من سنين
..........
زى النهارده من سنين
كنا لسه صغيرين
كل الموسيقى كانت فرح
ماكانش فيه نغم حزين
الضحك كان مالى البيوت
وكل الجيران حلوين
ولا كان فيه زمان دموع
ولا زعل ولا ألم ولا أنين
كل الحكاوى كان فيها غنوة
وكنا نسمع مبسوطين
القلوب كان لونها ابيض
ولا كان فيها سواد لعين
الصحاب كانوا كتير
والقلوب كان فيها لين
مع السلامة يا زمن
مع السلامة يا حنين
بقلمى عماد ياقوت
تعليقات
إرسال تعليق