ROHlLAT

/ROHILAT/

Buhar e..

gundê me xemla xwe Girêda 

Bû xemrevîn

Bû bûka salê

Rokê tîrêjên fedyok 

Diyarî xaniyên Kevrîn dikir

Li ser daran

Çivîkan bi awazên nazenîn 

kêf diavêtin dilê gundiyan 

Li benda te bûn

Ez û buhar

Me hêviyên xwe 

Li ser tehtên jorîn radixistin

Çavên me 

Westiyan , qerimîn li benda te

Weke gulberojan Geşbûn

Mereqa wan hilatina rojê bû

Kêlî dibûrîn

weke bahozên tîran 

di kulekên canê min re

Dibûrîn 

Mîna ecacoka bayîzê 

Tenê ..

ez û buhar 

Fena du evîndaran

Me xwe li hev dipêça Rêyên gund di pîvan

Roja delal!!

Bejna xwe ya qeşeng dirêj dikir 

Dida ber qama spîdaran

Rojê li me hilat

nizanim Ne roj yan yar bû

Baran dibarî nizanim

Rondikên ezmên yan yên min bûn

✍SELAM ZEHRAB