Yar bixwîne

Yar  bixwîne

Yar    bixwîne    vaye   pirtûka    dila

Dûr   bixîne   dil   ji    gazin   û   kula

Guhnede   mizgeft   û  dêr  û  zengila

Her  ji  bo  me  ew  divêtin   hevbirîn

Bi  xweş  jînê  ne  bi  kîne  wer  bijin

Bibin wek çîçek  û  hinga  hev  mijin

Were      kînê    bi     evînê      bikujin

Em  bi  hev  re bikin  şah  û  şavnişîn

Yar    bi   axînê   diçe    ji   dil    evîn

Ax  û  ẍemgînê  ji  dil  xwe  derbixîn

Ken  û   şahê  ji  wan  lêvan  veweşîn

Ken  bi  wî   devî   dikeve   ẍemrevîn

Berde   wî   porê   te  hûna   kir  gulî

Hey   libabe   li    ser   sînga   cincilî

Tu     tenê    lala     buhara    vî   dilî

Hew  divêtim  buhişta  jor  û  zemîn

Dê  bilîzim  bi  wan  bisk  û  keziya

Çariya    te   li   nav  destan    riziya

Bûk   ciwanî  tu   ket   rêza   jinbiya

Biwerî   hingiv  ji   wî   devê   şîrîn

Guhnede  xişr  û  ne  cil  û  ne pera

Ser   bilind   nabe   bi  gulaha  sera

Bi   xwendinê  tê  bibî   ji  serwera

Zanistî  ew her  gerdena  tey  zêrîn

Na   bi   pera   nabe   ava  tu  welat

Hey nebe xwêdan û xwîn û kêferat

Li     ro ava      raperîn   û   serhilat

Can  vejandin   nuh  jiyanek  afirîn

Pertewên   rokê   ji   rû   te   hatiye

Rû  qeşenga  ser  zemînê  her tu ye

Reş   gulokên  şevê  ji  hev  xistiye

Bi tîrêjên  ji tîpên  xwe yî Somerîn

Evîndarim  ez  ji  te  pir  ḧezdikim

Evîna  te  bi  dilê  xwe   werdikim

Ḧeta  mirnê  nikarim te j`bîrbikim

Di xwîna  min de  dijî tu  nazenîn

2012

Cindiyê Metînî

(Bavê Metîn)