Derdê Delalê

Derdê Delalê

Ferata ravê ji bîrê vejîne

Ji tonê gula hingiv vedrijîne

Serê biska   li ber surê dihejîne

Bi noşiyê  hingivjenê vedmijîne

Dilê min, bi  Delalê şox û şade

Bi firiştê buhişta   te Ho nade

Xwe lê kir kûra kînê  tu bê dade

Disincirîne sotê  di   bera  de

Çima  derdê te rêgere di dil wê..?

Te pêdar û  te  qar kir di paxil wê

Kirî lê mîna  zenga  di simbil wê

Disoje bi  perenga  di  şewil wê

Erê  Ho  haleke  li bin  hingil kir

Te hestê min  li ser Delalê sil kir

Kul û kovaniya cê xwe di dil kir

Ewê  ẍemgînê  hişî  ji   aqil kir

Serê  pizikê  Ho  bizerpiçîne

Tu  hala  xwe  ji  tîtê  bipiçîne

Eva  cergê  mi  vaye  lê  biçîne

Giyanê  min li  gel  biqurmiçîne

Bikêşe  Ho  tu  jê  taya  bijartî

Te  pê  nava  Delalê  vepixartî

Elem û  zoẍ û  jan  tê de  veşartî

Çima lo ev  jiyan jê re  hinartî..?

Dikim  ji  te  lavij  û  sed  niyazî

Bi  hêmen  û  hewar û qîr û gazî

Bicîbîne  ji  min  re  ev  daxwazî

Derdê Delalê di xwîna min birazî

27/11/2022

Cindiyê Metînî

(Bavê Metîn)