أحلى نيشان
أحلى نيشان
.............
حكيتك للوطن قصة ................. وقصيدة ودرع وسيف
حكيتك للأمل عنوان ........................... ونسمة وطيف
رقيتك يا ابنى من الحسد ................... والعيون والزيف
رجولة طول عمرك ............. وحب الوطن ده عندك كيف
*****
وشوفتك للسكن عنوان ................. وبتلبى فى اى مكان
بدمك تروى ساحاتى ................ تخاف ع الاهل والسكان
وهبتك نبض جوه الجيش ........... مشرفنى ف كل ميدان
وجندى بتحمى فى بلادك ............. أسد كاسر علينا أمان
*****
سلاحك هو احساسى ...... يفوقنى وانا ناسى فى كل زمان
بيادتك اشيلها على رأسى ................ وأعزفها كمان ألحان
وصوتك فى الميدان غنوة ................ أغنيها فى اى مكان
وآدى بوسة على رآسك ................ بفرحة أرسمها بالألوان
*****
انا ربيت فيك الهمة بضميرك هو والذمة ........ تكون إنسان
وربيتك على الطيبة ..تقولها ف وش مش غيبة .. كأنه آذان
حتحمى مصر من قلبك...وتوهب لها حبك وما تكونش جبان
ويوم ما تموت وتستشهد ...... شهادتك عندى أحلى نيشان
زجل بقلمى عماد ياقوت
تعليقات
إرسال تعليق