ولسه فاكر زماني
?؟ ،،،،، ( ولسه فاكر زمانى ) ،،،،،?؟
(*) ،،، ( قصيدة للشاعر ) ،،، (*)
?؟ ،،، ( ماهر محمد كامل ) ،،، ?؟
،،،،،،،،،،،،،،،،،
ولسه فاكر
ما نسيت زمانى
يمكن قلبى
أتعود على أحزانى
وبدور على الفرحة
وأرسمها على بابى
سجين نفسى
وأنا حر أيامى
أبحث عن خلاص
يمكن ألاقى
حريتى قدامى
ألاقيها فى كلمتى
والكلمة ما طوعانى
ألاقيها فى خطوتى
وخطوتى ما شيلانى
يمكن ألاقيها فى أوهامى
ولاء حتى فى خيالى
زى أمل السراب للعطشان
معاه يحس الحياة من تانى
وكتر الضباب
وعينى ما شيفانى
حتى المرايا
فيها صورة لخيالى
كل تنهيدة بتلعن أختها
نار بتحرق أفكارى
والنسمة الرقيقة بتجرح
كأنها ما عرفانى
وأدور على نفسى فى نفسى
ما لاقيها غير تايهة ومتوهانى
وأقول يمكن دى ما أيامى
زمانى راح وكترت الجراح
فين حبايبى فين قرايبى
الكل بيجرى ورا دنيته
وبيدوس على فرحتى
اللى من صنع خيالى
آااااه أنا مين لسه فاكر
ما نسيتك يا زمانى
علمت بالحرف ألف وألف
وما قادر أعد للعد يخيب
ما يدينى الحق
ويلف طوق من الأحزان
فى رقابى
ويلف ليه
ويتعب ليه
ماهو أنا والأحزان
خلانى
لكن ليا أمل
إنى لسه فاكر
ما نسيت زمانى
،،،،،،،،،،،،،،،،،،،
بقلم الشاعر ماهر محمد كامل
8 / 5 / 2018
حقوق الطبع والنشر محفوظة للكاتب
،،،،،،،،،،،،،،،،،،،،
تعليقات
إرسال تعليق